न्यूरो अस्पतालको ‘अनलाइन टिकटिङ्ग प्रणालीे’ सुरू, अब घरमै बसेर अनलाइनबाट टिकट काटन सकिने

Logo
स्थानिय आवाज प्रकाशित आइतबार, चैत्र २५, २०८०

१४७३  पटक हेरिएको

विराटनगर । विराटनगरस्थित न्यूरो कार्डियो एण्ड मल्टिस्पेशाल्टी अस्पतालले ‘अनलाइन टिकटिङ्ग प्रणालीे’ सेवा संचालनमा ल्याएको छ ।स्वास्थ्य प्रविधि सेवा प्रदायेक संस्था आईमर्क डिजीटल प्रालीको डाफें हेल्थ सेवा अन्तर्गत उक्त सेवा आइतबारदेखि संचालनमा ल्याएको हो ।

यस प्रणालीबाट, बिमारी तथा अस्पतालको सुविधा लिन चाहने जोसुकैले अब घरमै बसी–बसी चाहेको चिकित्सको टिकट सजिलै काट्न सक्ने अस्पतालले बताएको छ । अनलाइन टिकटिङ्ग प्रणाली भित्र ‘न्यूरो हस्पिटल’ मोवाइल एप र वहेपसाइट पनि रहेको छ । आफुले चाहेको चिकित्सको सेवा शुल्क पनि अनलाइन खल्ती र इसेवाबाटै सहज भुक्तानी गर्न सकिने व्यवस्था अस्पतालले बनाएको छ ।

समयको महत्वपूर्ण बचतका साथै चिकित्सकीय टिकटिङ्ग प्रक्रिया सम्पन्न हुने गरी बिमारीहरुले अनलाइन बाटै सहज आवेदन दिने व्यवस्था गरिएको छ । यो साझेदारीले न्युरो अस्पतालको सेवाहरूलाई अझ प्रभावकारी बनाउने उद्देश्यले रहेको अस्पतालका निर्देशक राजेश भट्टराईले बताए । ‘हाम्रो उद्देश्य स्वास्थ्य सेवा प्रदान गर्ने प्रक्रियाहरूलाई अझ सुविधाजनक बनाउनु हो । यो अनलाइन टिकटिङ्ग प्रणालीले बिरामीहरुको जीवनमा सहयोग प्रदान गर्नेछ । नेपाल मात्र नभई भारतबाट आउने बिरामीहरुका लागि पनि यो सेवा अझ फल्दाही हुने हामीले विश्वास ठानेका छौ,’ निर्देशक भट्टराईले भने ।

डाफें हेल्थका प्रमुख कार्यकारी अधिकृत युबराज पराजुलीले बिगत १६ वर्ष देखि संस्थाले हेल्थ टेकमा उत्कृष्ट सेवा प्रदान गर्दै आएको र अझ परिस्कृत हेल्थ सोलुसन् प्रधान गर्ने उद्देश्यका साथ यस साझेदारी गरिएको बताए ।
यो अनलाइन प्रणाली सुरु भएपछि बिरामीहरूले सजिलै र तत्काल तथा सुविधाजनक रुपमा आफुले चाहेको चिकित्सकीय सेवा आफुले चाहेको मिति र समयमा बुकिङ गर्न अस्पतालले जनाएको छ । यसैगरी बिरामिको विवरण र नोटः न्युरो हस्पिटल एप मार्फत सिधै डाक्टरहरूले बिरामीको सम्पूर्ण विवरणहरू एकीकृत हस्पिटल व्यवस्थापन प्रणालीमा देख्न र नोट राख्न सक्नेछन् । विशेष सेवाहरूको अधिकार र पहुँचः बिरामीहरूले ल्याब रिपोर्ट सिदै न्युरो हस्पिटल एप बाट प्राप्त गर्न सक्ने बताइएको छ ।

कमेन्ट गर्नुहोस्
error: Content is protected !!