गायिका रचना रिमालको स्वरमा नयाँ गीत “माया गर्छु भन्न पनि” सार्वजनिक भएको छ । मनोविद् समेत रहेकी गीतकार प्रमीला वस्तीको शब्द रचना रहेको गीतमा संगीत विश्वनाथ प्रेमको छ । किरण कँडेलको एरेन्जमेन्ट रहेको गीतमा शम्भु तण्डुकारको मिक्सिङ तथा मास्टरिङ रहेको छ ।

निर्देशक कृष्णदेव रुपाखेतीको निर्देशनमा तयार भएको गीतको भिडियोमा सुन्दरी मोडल गरिमा शर्मा र प्रभात पाल ठकुरीको रोमान्टिक अभिनय देख्न सकिन्छ । गीतकार वस्तीको निर्माणमा तयार भएको गीतमा एक प्रेमील जोडीको रोमान्टिक प्रेम कहानीलाई नजिकबाट देखाइएको छ । जहाँ प्रेममा रमाइरहेको जोडीको खुशीलाई गरिमा र प्रभातको माध्यमबाट देखाइएको छ ।

उत्सव दाहालको छायांकन, राहुल बराइलीको कोरियोग्राफी रहेको गीतको सम्पादन विकाश ज्ञवालीले गरेका हुन् ।