
१२६७ पटक हेरिएको

बिर्तामोड। उद्योग वाणिज्य संघलाई निलकण्ठ ट्रेड एण्ड सप्लायर्स (एनके) ले एक थान पानी प्रशोधन मेसिन निःशुल्क प्रदान गरेको छ । भारतीय ब्राण्ड प्युरोसिसको नेपालका लागि आधिकारिक बिक्रेता एनकेले संघको कार्यालयमा आयोजित एक कार्यक्रमबीच यो मेसिन हस्तान्तरण गरेको हो ।
एनकेका प्रतिनिधि कञ्चना पोखरेल र मञ्जुश्री संग्रौला गिरीले संघका अध्यक्ष राजु न्यौपानेलाई मेसिन हस्तान्तरण गर्दै यस मेसिनका विशेषताहरूका बारेमा जानकारी गराएका थिए । अध्यक्ष न्यौपानेले एनकेको यो सहयोगप्रति आभार व्यक्त गर्दै यसले संघका सदस्यहरूलाई स्वच्छ पानी उपलब्ध गराउन सहयोग पुग्ने बताए ।
एनकेका अनुसार, उनीहरूसँग हालसम्म आठ हजारको हाराहारीमा पानी प्रशोधन मेसिनका ग्राहकहरू छन् । यो मेसिनको बजार मूल्य झण्डै ४० हजार रुपैयाँ रहेको बताइएको छ ।