६६० पटक हेरिएको
मोरङ। परियार सेवा समाजको कोशी प्रदेश सम्मेलन भव्यतापुर्वक सम्पन्न भएको छ । सुनसरीको ईटहरीमा सम्पन्न सम्मेलनले खड्ग बहादुर भित्रीकोटिको अध्यक्षतामा २७ सदस्यीय कार्यसमिति चयन गरेको छ ।
मंसिर १ र २ गते ईटहरीको गंगाजमुना होटलमा सम्पन्न सम्मेलनले संखुवासभाका भित्रीकोटिको अध्यक्षतामा ०८१-०८३ कार्यकालको निम्ति नयाँ कार्यसमिति चयन गरेको हो । सम्मेलन उद्घाटन सत्रको प्रमुख अतिथि संविधानसभा सदस्य अनिता परियारले शनिबार उद्घाटन गर्नु भएको सम्मेलन सर्वसम्मत नयाँ कार्यसमिति चयन गर्दै हिजो समापन भएको हो ।
परियार सेवा समाजको केन्द्रिय उपाध्यक्ष धर्म परियारको अध्यक्षतामा सम्पन्न उद्घाटन सत्रमा समाजका केन्द्रिय सचिव सुमन परियार , केन्द्रिय सदस्यहरु लक्ष्मण दास , सुर्य नेपाली दर्नाल , खड्ग बहादुर दमाई (भित्रीकोटि) , ज्ञान कुमार कार्किढोली , गोपाल नेपाली , तारा सुन्दास ,नारायण परियार , हम्ब ठटाल लगायतका केन्द्रिय पदाधिकारीहरुको विशिष्ट आतिथ्य रहेको थियो ।
कार्यक्रममा कोशी प्रदेश सभा सदस्य सपना परियार , राष्ट्रिय दलित आयोगका पुर्व सदस्य अरुण सुन्दास , अधिवक्ता जयराम सुन्दास सहित विभिन्न जिल्लाका पदाधिकारी , दलित अगुवा , परियार सेवा समाजका पुर्व पदाधिकारीहरुको आतिथ्य रहेको थियो ।
कोशी प्रदेशका विभिन्न जिल्लाबाट सम्मेलनमा सहभागी भएका प्रदेश प्रतिनिधि , जिल्ला समितिका पदाधिकारीहरु , शुभचिन्तक एवम् परियार समुदायका दलित अधिकारकर्मीहरुको भव्य उपस्थितिमा सम्पन्न सम्मेलनको बन्द सत्र र प्रशिक्षण कार्यक्रममा परियार सेवा समाजका संस्थापक कोषाध्यक्ष तथा पुर्व राजदुत पदम सुन्दासको प्रमुख आतिथ्य रहेको थियो ।
सम्मेलनको बन्दसत्रमा अधिवक्ता जयराम सुन्दास , लक्ष्मी परियार र ज्ञानकुमार कार्कीढोलीले निर्वाचन मण्डलको भुमिका खेलेका थिए । निर्वाचन कार्यक्रमबाट सर्वसम्म चयन भएको नयाँ कार्यसमिति यसप्रकार रहेको छ ।
नयाँ कार्यसमिति
अध्यक्ष – खड्गबहादुर दमाई (भित्रीकोटि),उपाध्यक्ष – प्रकाश परियार,उपाध्यक्ष – पवित्रा कार्कीढोली,उपाध्यक्ष – पदम दर्नाल,सचिव – रुपा मोते
,सचिव – गणेशबहादुर परियार,सचिव – विनोदकुमार दर्नाल,सह सचिव – कमल कार्कीढोली,सह सचिव – तिलक बर्देवा ,सह सचिव – विष्णुकुमारी परियार,कोषाध्यक्ष – अम्बिका परियार ,सह कोषाध्यक्ष – अनिता परियार
सदस्यहरु :फुलमाया ठटाल ,राजन दर्जी, प्रतिमा कार्कीढोली,दिपा परियार, जितबहादुर दर्जी, गोविन्दमान दर्जी, लालबहादुर दर्जी, नन्दमाया दर्जी, पुष्प ठटाल,चक्रबहादुर नेपाली (रोशन), सम्भु परियार, कोपिला बर्देवा, उषा परियार, राजु मोते, सरोज परियार
सम्मेलनबाट निर्वाचित कार्यसमितिलाई कार्यक्रमका प्रमुख अतिथि पदम सुनदास , केन्द्रिय उपाध्यक्ष धर्म परियार , केन्द्रिय सचिव सुमन परियार , सल्लाहकार डिबि परियार , हस्त परियार , अरुण सुन्दास लगायतले शुभकामना व्यक्त गरेका थिए भने समाजमा विशिष्ट योगदान पुर्याउने परियार समुदायका १० जनालाई सम्मानपत्र सहित दोसल्ला ओढाएर सम्मान गरिएको थियो ।
