एलपी ग्याँस विक्रेता संघ मोरङको अध्यक्षमा बोहोरा

Logo
स्थानिय आवाज प्रकाशित सोमबार, साउन २९, २०८०

३०४५  पटक हेरिएको

विराटनगर । एलपी ग्याँस विक्रेता संघ मोरङको ८ औं अधिवेशन तथा १५ औँ साधारण सभा सम्पन्न भएको छ। शनिबार सुन्दरहरैचा विराटचोक स्थित उद्योग वाणिज्य संघको सभाहलमा भएको अधिवेशनमा एलपी ग्यास बिक्रेता संघ मोरङका अध्यक्ष गणेश कुमार साहको सभापतित्वमा सम्पन्न भचएको हो ।

कार्यक्रममा संयोजक सुनिल बोहोरा, केन्द्रिय अध्यक्ष चन्द्र बहादुर थापा प्रमुख आतिथी, अतिथीहरु प्रदेश अध्यक्ष सरल राज पोखरेल, पुर्व केन्द्रीय उपाध्यक्ष तथा पुर्व जिल्ला अध्यक्ष बिरेन्द्र कार्की, पुर्व जिल्ला अध्यक्ष चिरञ्जीवी अधिकारी, सल्लाहकार ज्ञानेन्द्र ओली, सन्तोष रौनियार, मणिलाल श्रेष्ठ, प्रदीप खनाल, पुर्व केन्द्रीय सदस्य राजेश निरौलाको उपस्थिती रहेको थियो ।

अधिवेशनमा अध्यक्ष गणेश कुमार साहले कार्यप्रगती प्रतिवेदन प्रस्तुत गरेका थिए । त्यस्तै आर्थिक प्रतिवेदन कोषाध्यक्ष सुनिता सिग्देल भट्टराईले प्रस्तुत गरिन् । कार्यक्रममा प्रमुख अतिथी केन्द्रीय अध्यक्ष थापाले ग्यास डिलर प्रमाणीकरण, लागतको हिसाबले कमिसन वृद्धि हुनुपर्ने बताउँदै त्यसका लागि नेपाल आयल निगम र वाणिज्य तथा आपूर्ती मन्त्रालयमा पहल गरिरहेको बताए ।

उनले उपभोक्ता सचेतना कार्यक्रमको लागि पनि पहल गरिरहेको बताए । कार्यक्रम संचालन सह–सचिव रामकृष्ण खड्काले गरेका थिए ।
स्वागत मन्तव्य कार्यक्रम संयोजक सुनिल बोहोराले गरे । सो अवसरमा बेदेन्द्र श्रेष्ठले ग्यास व्यवसायहरुको समस्याहरुको बारेमा बताएका थिए ।
प्रदेश अध्यक्ष पोखरेलले व्यवसायीहरु फुटेर नभई जुटेर अगाडि बढनुपर्ने बताए । अधिवेशनबाट सर्वसम्म २२ सदस्यीय नयाँ कार्य समिति चयन भएको छ ।

नयाँ कार्य समितिको अध्यक्षमा सुनिल बोहोरा सर्वसम्मत निर्वाचित भएका छन् । जसमध्ये २ जना पछि मनोनीत हुनेछन् । नव निर्वाचितहरु वरिष्ठ उपाध्यक्षमा दिपेन्द्र श्रेष्ठ ,प्रथम उपाध्यक्ष कल्पना गौतम, द्वितीय उपाध्यक्ष सुधिर यादव, तृतीय उपाध्यक्ष रामकृष्ण खड्का, सचिव बेदेन्द्र श्रेष्ठ ,सहसचिवमा लक्ष्मी दाहाल, कोषाध्यक्षमा प्रभा घिमिरे तिम्सिना चयन भएका छन् ।

त्यसैगरी सदस्यहरुमा दिलिप अग्रवाल, रमेश खड्का, आनन्द राज भण्डारी, बिष्णु प्रसाद भण्डारी, गौरी गुप्ता, हरिराज प्याकुरेल, नन्द कुमार दाहाल, मोति बहादुर मगर, मोहन प्रसाद दाहाल, धारणा खड्का, जितराज घिमिरे र गोपाल बस्नेत लगायत चयन भएका छन् ।

कमेन्ट गर्नुहोस्
error: Content is protected !!